videoke girl

Minsan nakakatuwa ang mag-videoke. Minsan nakaka-offend. Ako nga naooffend sa sarili kong boses. Parang galing sa hukay ang singing voice ko. Hindi ito para sa ikaeenjoy ng madla. Hangga't maaari, pinaka-iiwas-iwasan ko talaga ang mapasabak sa videoke kasi ito talaga ang nagdudulot ng kahihiyan sa akin.

Madalas diba katuwaan lang ang videoke, pero paano kung, tulad ng boses ko, negatibo na ang epekto nito sa paligid? Maraming bagay ang dapat isaalang-alang. Let me tell you a story.

Meron akong paboritong carinderia dati, na tawagin nating Carinderia 1. Masarap kumain doon, edible naman ang mga food at mabait yung waitress, friends pa nga kami sa Facebook. Ngunit isang araw, nag-install sila ng videoke machine. Sabi ko NOPE BYE THAT'S IT I QUIT Simula noon, hindi ko na sya favorite. Nakakasira kasi ng dining experience, you know what I mean? So lumipat ako sa katabing carinderia, ang Carinderia 2.

Dahil nagkaroon ng videoke, naging instant inuman place na ang Carinderia 1. Syempre hindi maiiwasan na mag-ingay sila habang nagkakasiyahan. Yung ingay nila, umaabot hanggang sa Carinderia 2, kaya dinig na dinig ko ang mga kaganapan. May mga kumakanta doon minsan, magagaling. Naalala ko yung kumanta dati ng Take Me Out Of The Dark na kaboses ni Jose Manalo.

Isang gabi, pagdating ko sa Carinderia 2, narinig kong may isang grupong nagvivideoke na naman sa Carinderia 1, mga naka-uniform ng *insert name of sikat na hardware store here*. OK lang naman, baka yun ang paraan nila upang mag-unwind matapos ang isang araw ng pagtatrabaho, at saka wala pa namang alas diyes ng gabi. Hindi pa naman sila nakakabulabog... so far.

Sadyang nakakalungkot lang ang mga sumunod na kaganapan.

Habang kumakain, narinig kong nagkakantyawan ang mga party peeps sa kabila. Tinutukso nila na kumanta ang isang kasama nilang babae, na itatago natin sa pangalang... Ate. Si Ate, ayaw kumanta noong una, ngunit napilitan. Ikaw ba naman ang tuksuhin much. Bumigay na siya, keysa naman matawag na killjoy. Ang napili nyang awitin ay ang awit ni Jireh Lim na pinamagatang "Buko" na isang awiting sadyang pa-sweet lang. Ito ang "Torete" at "Sway" sa videoke ng makabagong henerasyon.

Kakaiba ang version ni Ate ng Buko, nakakauhaw.  Napukaw ang atensyon ko kaya sa lalong madaling panahon ay ni-record ko sa phone ko yung performance nya.

Enjoy:



Nabitin ba kayo? Me neither. LOL joke lang Ate.

Muntik na akong pumunta sa Carinderia 1 para kausapin si Ate at bigyan ng payo. Hindi nakakabuti sa kanya ang pag-inom. Tingin ko, kung walang impluwensya ng alcohol, may talent siya eh. Pwede pa isalba eh. Sana huwag syang malulong sa bisyong ito. Mamili na lang siya. Iinom o kakanta? Isang bisyo lang dapat.

Yung mga kasama nya, natahimik. Hindi ata sila handa. Hindi nila inexpect na ganyan ang kalalabasan.

Iba talaga ang peer pressure no? This time, nagbackfire, dahil mukhang nag-enjoy si Ate. Hindi ko mawari kung lasing na sya, sabi ng mga kasama nya, "Kampai!" I guess, para hindi na siya kumanta. LOL joke lang Ate.

Ngunit sadyang hindi pa kuntento si Ate. Nanlaban siya eh. Naipindot nya yung next song nya na talagang magshoshowcase ng kanyang boses. Bumirit siya ng isang classic na awitin ni Sarah Geronimo. Walang nakapigil sa kanya.
 

Sarah Geronimo naririnig mo ba ito? You better take some notes, coz your Forever's Not Enough is not enough. Kabahan ka na.

Iba ang version ni Ate, remix siguro yan. Nakakauplift. Ganyan ang mga gusto kong naririnig kumanta. Hindi sya boring eh. Sakto na yang cover version ni Ate. Mag-eenjoy akong pakinggan.

Yang ganyang singing voice, mapapanaginipan mo. Sa una kung papakinggan mo parang Lani Misalucha eh. Kuhang-kuha nya yung technique ni Lani Misalucha, yung mahina tapos biglang lumalakas? Laning-Lani, tapos haluan mo ng LA Lopez na papunta na sa Bjork? Basta, unique ito.

Habang pinakikinggan ang recording ko mas lalo kong naappreciate. Ini-ignore ko lang yung part na parang nabilaukan siya sa beer. Nakapagdesisyon na ako, ito ang gagawin kong alarm clock tone. Tiyak mapapabangon ako agad-agad at hindi na malelate sa trabaho.

Katuwaan lang ang lahat OK? Hindi ko intensyon to offend(1) her, or baka may ma-offend(2) na namang mga easily offended(3) readers jan na araw-araw naghahanap ng bagong ikakaoffend(4).

Tsaka wala ako sa posisyon para laitin siya gayong batid ko naman na it's a tie lang kami. Buti nga siya yung boses nya, boses tao.

THE END

May napansin ba kayo sa lyrics ni Ate? "And I, forever's not enough". Hindi ba "if" yun? Hindi nya nakita ung 'f'? O talagang I yun? Mali si Sarah Geronimo? Ang dami kong tanong, ayoko ng ganito. Ayoko na NOPE BYE THAT'S IT I QUIT 

bituing walang ningning - the untold story

Hey Kids, remember when I butchered the classic Filipino movie Bituing Walang Ningning? Me neither. Pero minsan nababagabag talaga ako sa mga ideas ko tungkol sa pelikulang ito, to the point na hindi na ako maka-function. I have conspiracy theories and parallel universes and alternate realities and such kaya sa utak ko, iba na ang kwento ng Bituing Walang Ningning. You wouldn't believe what I think about during my free time.

So eto ngayon, bababuyin ko na naman siya. Naaalala nyo nung sinabi ko na si Sharon Cuneta talaga ang kontrabida sa pelikula? Well, now I have proof.

Putting my salaula skills to use, here's a "trailer" for a whole new version of the film, something you've never seen before! (exajj lang)


Sorry na, Miss Sharon Cuneta. Hindi ko rin alam bakit lagi kong napagdidiskitahan itong pelikulang nyo eh. Siguro dahil ito ang ultimate Pinoy drama: rags to riches, fame and fortune, revenge, suffering, public humiliation and other Pinoy hobbies... tapos may sabuyan pa ng wine? Siguro dahil napakagaling ng aktingan nyo ni Miss Cherie Gil? Siguro dahil napaka-iconic ng mga eksena at linya? Siguro dahil may something wrong with me?

Who cares. I love this movie. And I love making fun of the movies I love. Nora Aunor, you're next.

As requested by Sir Jek Josue David, a big Sharon Cuneta fan ('fan' is an understatement), gumawa ako ng matinong "trailer" for the fans of the film:


Sabi nga ni Dorina kay Lavinia, "Nagustuhan mo ba?"

But my favorite line from the movie is Cherie Gil's "You'll never make it". Gusto kong gawing alarm clock tone. Everyday, let's make it a point to tell someone, "You'll never make it".

I think this is just the start of another hobby: reimagining the classics and making baboy trailers! Join me in my journey. Next stop: Himala... as a bold movie. Handa ka ba? Kakayanin mo ba?

Thanks bye mwahchupa.

I don't own any of the movie clips or music, so please don't sue me. You'll never make it.

aswang

Hey Kids! Happy Halloween! Or if you hate Halloween, Happy Friday! Noong bata ako, paborito ko ang Araw ng mga Patay kasi mahilig ako sa katatakutan. Ang saya lang makipagkwentuhan ng "multo-multo" matapos dumalaw sa puntod ng mga yumaong kamag-anak at mag-marathon ng horror shows and movies. Sadly, hindi na ito ang uso ngayon.

Nais kong ibalik ang integridad ng Araw ng mga Patay!

At dahil diyan, binalikan ko ang isang paborito kong pelikulang tumakot sa akin noon: Aswang


Pinanood ko uli itong movie, ang saya!!! Yung iconic scene kung saan naglalakad si Alma Moreno sa gubat at nagbabagong-anyo sya into Lilia Cuntapay, WTF CREEPY. At yung bubungan scene kung saan kinain ni Alma Moreno ang buntis na si Janice de Belen? MORE NIGHTMARES MORE FUN

Walang iniwang rekado ang pelikulang ito. Horror kung horror. Manilyn Reynes and Aiza Seguerra combo: check. Janice de Belen: check. Lilia Cuntapay: check. Pati si Mary Walter: check.

At dahil enjoyable pa rin ito after all these years, gumawa ako ng sarili kong trailer. Mejo binaboy ko siya. Enjoy Kids!




Thanks Kids, mwahchupa.


In memory of Mary Walter, Berting Labra, and very recently, Dick Israel, and my most favorite Filipino actress, Lilia Cuntapay. May you all find eternal rest.

I don't own any of the movie clips or music.
Related Posts Plugin for WordPress, Blogger...

padding

Padding