ang panties ni claudine

Linggo ng hapon nang nag-text si Claudine, magkita raw sana kami kung hindi ako busy. Dahil mga ilang linggo na rin kaming magka-textmate, na-excite akong makipagkita sa kanya. Dali-dali akong nagbihis at pumunta sa Melvin Jones, dun daw nya gusto magkita eh, kasi malapit lang yun sa bahay nila.

Nauna akong dumating sa Melvin Jones, pero hindi nagtagal ay dumating na rin si Claudine. Maganda sya, maliit lang, maputi at makinis, medyo balahibong-pusa. Mapungay ang mata at maganda ngumiti, pero higit sa lahat, mabait sya. Masarap syang kausap, dahil laid back ang dating, walang kaarte-arte sa katawan.

Naglakad-lakad kami sandali habang nagpapalitan ng kwento. Nahuhulog na ata ang loob ko kay Claudine? Hindi naman siguro. Textmate lang sya, kaibigan lang...

Medyo may taglay rin palang dark side itong si Claudine. Nung niyaya ko syang mag-snacks, ang kinuha ko Chocolait, ang kinuha nya San Mig Light. Nahiya naman ako kaya kumuha na lang ako ng Red Horse, kahit madali akong maihi kapag beer ang iniinom ko. Binalot namin sa tissue ang tin can at nagpatuloy kami sa paglalakad habang umiinom.

Mas lumalalim ang kwentuhan namin, mga pangarap sa buhay, etc etc. Ilang hakbang pa lang nakaramdam na ako ng weewee. Walang malapit na CR, at ayoko namang umihi sa kalsada.

Medyo dumidilim na nang nagpasyang umuwi na si Claudine, pero biglang nagbago ang isip nya.

"Gusto mong sumama muna sa bahay?"

Ang totoo, gusto ko syang ihatid para masiguradong safe ang uwi nya. Naging OK naman kami at gusto ko pa syang makasama at makainuman uli, kung may next time pa.

At makiki-ihi na rin ako. Malapit lang naman ang bahay nila, mas malapit sa dormitoryo na inuuwian ko.

Naglakad lang kami pauwi sa kanila. Tuloy pa rin kami sa pagkwekwentuhan hanggang sa makarating sa gate nila.

"Pasok ka muna," sabi ni Claudine, "ipapakilala kita sa pamilya ko."

Pumasok naman ako at nakilala ko ang mga kamag-anak nya. Nakakahiya, first time kong maipakilala sa pamilya ng kung sino man, at "textmate" pa ang pakilala sa akin. Pakiramdam ko eh gigisahin nila ako ng mga tanong, pero nagkamali ako, napakabait rin nila at welcome na welcome ako sa kanila. Naghahanda na sila ng hapunan at niyayaya akong doon na kumain.

Habang naghahanda sila, hindi ko na talaga mapigil ang weewee, kaya nagpaalam ako na gagamit ng banyo.

"Sige, pasok ka sa pintong yan, kaya lang madilim ha, nashort-circuit kasi yung ilaw," sabi ng pinsan ni Claudine.

And this is the exciting part, you're gonna shit...

Pagpasok ko sa banyo, madilim, pundido nga ang ilaw, wala akong makita, kaya kakapa-kapa ako hanggang sa matisod ko ang toilet bowl. Unti-unti, naaaninag ko na ang puting hugis ng inidoro, kaya umihi na ako....

Wooosh, wooosh.... success.

Kinapa ko ang flush sabay pindot. Hindi nagflush, de-buhos pala ang toilet bowl. Unti-unti nang naka-adjust ang mata ko sa dilim, naaninag ko ang gripo, at sa ilalim nito, isang timbang puno ng tubig...

Binuhat ko ang timba, tinapat sa inidoro, at binuhos ang laman nitong tubig...

Saka ko lang napansin...





May laman pala ang timba...





Mga nakababad na underwear!

Huli na ang lahat, nabuhos na ang mga underwear sa inidoro, pero hindi naflush, nakalutang lang sila. Hindi ko pwedeng iwan yun nang ganun na lang, nakakahiya kina Claudine!

Kaya dahan-dahan akong lumuhod...

At dinampot isa-isa...

Bawat panty...

Bawat brief...

Bawat bra...

At bawat panyo...

...na kanina lang eh nakababad sa Downy...

...at ngayon ay mapanghi na.





Parang gusto kong himatayin sa kahihiyan paglabas ko ng banyo. Pakiramdam ko, putlang-putla ako, kaya nagpaaalam na kong uuwi na. Wala silang kaalam-alam sa karumal-dumal na krimen.

"Sure ka uuwi ka na? Ayaw mag-dinner dito?"

"Ah hindi na lang kasi baka hinahanap na rin ako sa amin." Kasinungalingan, sinong maghahanap sa akin sa dorm?

"O sige, ingat ka ha? Text-text pag-uwi mo! Dinner ka dito next time!"

Sure, at next time ipaglalaba ko kayo.





-- excerpt from My Life is a Shit and Other Inspirational Stories