happy birthday khikhi

Madalas kong makitang lasing si Khikhi noong college. Ewan ko ba, adik na adik yun noon sa alcohol. Nag-aaral naman siyang mabuti at hindi nya pinapabayaan ang attendance at grades nya, pero tangina, wasted kung wasted. At hindi namin siya pinipilit, in fact madalas siya ang nag-oorganize ng inuman.

Five days ang pagitan ng birthday namin ni Khikhi  kaya madalas kami magcelebrate nang sabay. At sa mga celebrations na yun, madalas may alak. Well kahit naman walang birthday, laging may alak na involved sa pagkakaibigan namin.

Masarap kainuman si Khikhi pero madalas nakakabwisit rin.



Maliit lang ang pantog ni Khikhi. No, hindi ko pa nakikita ang pantog nya at ang iba nya pang internal organs. Kaya ko nasabi dahil every five minutes sya nagsi-CR. I'm not exaggerating.

Noong nasa dorm pa ako at dumadalaw doon si Khkihi para makipag-inuman sa amin, yun ang ikinakainis ko sa kanya, kasi gusto nyang ihatid ko siya sa girls CR tuwing maiihi sya. Eh yung CR ng girls, nasa mas mataas na floor, so aakyat pa kami, at maya-maya kami umakyat. Kahit naiinis ako, sinasamahan ko siya, pero kapag lasing na sya, dun ko na siya pinapa-CR sa boys kasi mas malapit. Hindi naman nya nahahalata.

Hindi naman lingid sa kaalaman ko na may binabalak talagang masama sa akin si Khikhi kapag lasing na ako eh like makita akong gumugulong sa hagdan o umiinom ng toyo. Kaya madalas nyang pagtangkaang lagyan ng vetsin ang beer ko.

Para sa kaalaman ng lahat, nakakahilo ang vetsin. Try it!

One time, nag-inuman kami at nung magpaalam ako na uuwi na ako, ayaw nila akong pauwiin. So Khikhi had a bright idea: palihim na lagyan ng vetsin ang beer ko para mahilo ako at hindi makauwi.

I should mention na nung naisip ni Khikhi na lagyan ng vetsin ang beer ko eh lasing na rin siya. At habang patagal nang patagal ang inuman, lalo syang nalalasing. Yes, kasi yung beer with vetsin na inihanda nya para sa akin, siya rin ang umiinom.

To make matters worse (for her) matapos kaming uminom, nagkayayaan kaming kumain ng goto. Sabi nya, ilibre ko daw sya, pumayag naman ako, lalo pa at ipinabitbit nya sa akin yung coin purse nya containing all her money. So nilibre ko sya ng goto gamit ang pera nya. Syempre hindi nya alam, kaya tuwang-tuwa sya, thank you pa nang thank you. You're welcome Khikhi.

In fairness to Khikhi, alam ko kaya nya ako binivetsin bilang ganti na rin sa lahat ng times na nilagyan ko ng upos ng sigarilyo ang beer nya soweee.

Buti nga eh nalampasan na ni Khikhi yung phase nya na iiyak sya kapag lasing. Emo kung emo. Lahat na lang ng problema nya, naaalala nya kapag lasing sya. Kung ilang beses syang na-brokenhearted, na-traydor, natalo sa singing contest, etc.

One moment nagtatawanan pa kami habang tumatagay, tapos biglang mapapatingin sya sa malayo, tapos umiiyak na pala sya, while saying "Bakit ganun? Ang sakit sakit..."

May time na habang nagwawala sya, naisipan kong i-record ang mga pinagngangawa nya. So dinampot ko ang aking cassette recorder (oo cassette LOL) at nirecord ang mga linya nya like "Bakit hindi nya ako mahal? etc etc" only to find out kinabukasan na napatungan ko ng pag-iyak nya yung tape ko ng Eraserheads. Bwisit.

In fairness kay Khikhi hindi naman sya madalas magsuka. Once ko pa lang sya nakitang sumuka, and it was DISGUSTING.

Khikhi's height is 5' flat.

One time, nag-inuman kami sa balcony ng boarding house ng isang barkada namin. Ang balcony nila ay may mataas na railings....

Nung nahilo na si Khikhi at nagdecide sya na gusto nyang sumuka, imbes na tumakbo sya sa CR (na nasa tabi nya lang), tumakbo sya sa balcony at doon sumuka. Pero dahil mataas ang railings, hindi nya masyadong maabot, halos nakasampay lang ang baba nya sa railings. Kaya sumuka sya nang nakatingala. Lahat ng suka nya, nasa leeg at dibdib nya. Very nice work.

Yung isang barkada namin, crush na crush ni Khikhi that time. As in. Dahil naawa siguro yung crush nya sa itsura ni Khikhi na puro suka ang damit, sya na ang nagkusang linisin si Khikhi, punasan at bihisan ng malinis na damit. Sweet...

Khikhi: (kinabukasan) Talaga best? Siya ang nagbihis sa akin? *kilig*

Me: Oo.

Khikhi: Paano best? Saan?

Me: Sa harap naming lahat, habang nag-iinuman kami.

Khikhi: TANGINA! BEST!!!

This is the same guy na sumipa sa pinto ng CR nung minsang umiihi si Khikhi. Nahuli tuloy namin sya sa akto at nakita namin ang kanyang Poughkeepsie (na hanggang ngayon eh dinideny nya pa rin).

My favorite Khikhi moments are 1) Lasing siya or 2) Nagpapanic sya. And nung minsang nag-birthday kami, nasaksihan ko yun, sabay. As usual we were getting druuuunk na parang wala nang bukas. Syempre hataw na hataw kami kasi Saturday night naman, walang pasok kinabukasan. Galit na galit siya sa alcohol.

Nang malasing na ang lahat, biglang nag-ring ang phone ni Khikhi. Tumatawag si Bruhilda, yung isa naming barkada na classmate nya sa Nursing subjects nya.

Khikhi: Hello best?

Bruhilda: Nasaan ka best?

Khikhi: Katatapos lang magshot best, matutulog pa lang ako best.

Bruhilda: TANGA MAY DUTY TAYO! BEST!!!

Hindi ko alam kung alin ang pinakamabilis na nagawa ni Khikhi: magbihis, magbyahe o magtanggal ng tama, dahil wala syang inaksayang sandali, nagreport talaga sya ng duty sa hospital. Good luck na lang doon sa doctor na in-assist nya. At good luck sa pasyente.

Hindi mahirap yayain si Khikhi sa inuman. Yung ibang friends namin, papilit. Kapag tinext mo, maraming tanong. Sinong kasama? Saan? Anong oras uuwi?

Naalala ko, one time, during exam week, tinext ko si Khikhi para uminom. Isa lang ang reply nya sa akin: "njan n q"

Dahil madali siyang yayain, madali rin syang utusan na dumaan sa grocery para bumili ng alak na iinumin namin. One time, habang naghihintay kami sa dorm, dumating si Khikhi carrying two big plastic bags ng alak... while still wearing her nurse uniform. Ako ang nahiya para sa kanya...

And lastly, like most of us, si Khikhi ay Inglatera pag lasing. Kapag tapos na syang umiyak, magsuka, magwala, umihi sa kung saan-saan, nag-eEnglish na sya.

One time sa Baguio matapos mag-inuman, nagkayayaan kaming mag-Chowking. Any normal person would know na malamig sa Baguio sa kalye sa madaling araw. Not Khikhi. Lumabas sya wearing her plunging shirt and mini skirt.

Habang nangangatog sya sa lamig, bigla nyang hinablot ang kamay ko, and nung tinignan ko ang mukha nya, para syang si Rose sa Titanic nung nakabilad na sya sa Atlantic Ocean. With foggy breath and cracking voice and tears in her eyes sabi nya sa akin...

"B-b-b-best.... I sh-sh-shiv-v-ver..."

Labyu Khikhi happy birthday! 

general motors diet

Minsan na lang ako magbloghop, ikaka-bother ko pa pala nang matindi. Napadaan kasi ako sa blog ni Jepoy, yung blogger na nagpapanggap na balingkinitan. Eh sabi dun sa post nya, he lost 84 kilos daw dahil sa General Motors Diet. Amazzzing, knowing yan si Jepoy personally, kumakain yan ng lard. Kung nag-lose talaga sya ng weight, either nag-work yung GM Diet, or may pina-amputate sya sa katawan nya. So sabi ng puso kong inggitero much, Dapat matry ko rin yan.

NOT that I need it that much hindi naman ako masyadong obese. Nasa gitna lang ng Stage 4 chunky and morbidly chubby.  I just need to lose .027 pounds.

Eto ang tinatawag na GM Diet. More Fruits, More Veggies, More Fun!



Eh saktong darating si Mudrax Doris from Baguio, kaya nung nakapagdesisyon na ako na gawin ang GM Diet, nagpabili ako sa kanya ng fruits and veggies. Now is the time.

Day One Fruits


This set of fruits is brought to you by Doris. Ewan ko bakit ayaw ma-rotate nyang picture nung inupload ko. May bayad na ba mag-rotate?

So all day and all night akong nagprutas and uminom ng maraming maraming tubig during my shift, habang yung katabi ko nung lunch eh kumakain ng pritong bangus! Sarap na sarap sya, parang gusto kong hablutin yung bangus nya. Now I know and understand ang pakiramdam ni Katniss.

Pag-uwi ko sa bahay, fruits pa rin ang kinain ko. Si Doris naman had a bright idea, nagluto sya ng longaniza. Amoy na amoy ko yung halimuyak. Pero pinigil ko ang urges ko at natulog na lang ako nung sumakit na ang ulo ko. #criedmyselftosleep

Day Two Veggies


Did you know na kapag nginuya mo ang brocolli nang very very slow ay magiging lasang corn siya? Pwede ring naghahallucinate na ako noon kasi nga deprived ako sa kanin at karne.

And just so you know, hindi pa rin ako nagpupu. Two days na. Bakit kaya? Tapos sumasakit pa rin ang ulo ko. At nararamdaman ko talaga yung gutom ko, gumuguhit pataas. Hinang-hina ako and I'm not my usual lively witty fun self.

Anyway I weighed myself para makita ko ang progress ko. Kinuha ko rin ang aking body mass index at blood pressure at fat index at pulse rate at pasado naman lahat. Umay na ako sa gulay kaya hindi ko na kinain. Tiniis ko talaga ang gutom ko buong shift hanggang sa noong pauwi na ako. And then.



Day Three Fruits and Veggies Combo Meal

Ang sakit sakit na ng ulo ko. Sabi sa mga online forums, psychosomatic lang daw ang pagsakit. Kaso parang gusto ko rin manakit ng tao. Psychosomatic pa rin kaya kapag nanampal ako bigla? Ang bilis kong mapikon today at ayaw kong binibiro ako.

Buong shift kong tiniis ang pananakit ng ulo ko. Umiiwas pa rin ako sa kanin. Veggies kung veggies. Fruits kung fruits. And then suddenly nag-message sa akin ang boss ko during shift, nandiyan na daw yung in-order kong lechon. HALA! Nawala sa isip ko na nag-order pala ako sa kanya last week. Pero OK lang kasi nandiyan naman si Doris, siya na lang ang kakain.


Ang sarap.

Kudos talaga sa boss ko kasi ang galing ng pagkakaluto, hindi nakakaumay, kahit yung laman-laman malasa talaga. One kilo na oorderin ko next time.

ANYWAY actually, hindi naman nasira ang pag-diet ko kasi sabi ng boss ko, vegetarian yung baboy na kinatay. That's why it's called organic lechon. So technically, I'm still eating veggies.

And veggies din ang rice kasi plant yun diba.

Nagweigh ako uli, I lost .5 kilos which is 1 pound. Not only am I on the right track, na-exceed ko pa yung goal ko.

 Day 4 Milk and Bananas

Joke ba ito? HA HA. Skipping this day.

Day 5 Tomatoes and Rice

Um-attend ako ng birthday ng anak ng former officemate ko. Bale nag-one cup of rice lang ako. Kaso walang tomatoes. Buti na lang merong alternative na fish fillet, beef and mushrooms, chicken cordon bleu, sanz rival at ice cream so I think that should make up for the lack of tomatoes.

Day 6 Vegetable Day

Sabi dun sa GM Diet kung hindi mo nagawa yung 7 days na dire-diretso you can start all over again sa Day 1 yeah hahaha good luck with that.

Day 7 Rice and Veggies

You're still reading? LOL.

So in conclusion GM Diet really works bye.

One more conclusion huwag basta basta sasabak sa diet without proper research and preparation.

And one more conclusion kung mataba ako, eh di mataba bye!!! 
Related Posts Plugin for WordPress, Blogger...

padding

Padding