how to videoke

Hey Kids. Videoke, one of our national hobbies, should be taken seriously. Hindi ito simpleng pampalipas oras lang. Kahihiyan ang nakasalalay dito. Sa bawat imbitasyon na matatanggap mo na mag-videoke, mahalaga na uuwi kang intact ang dignidad. And here are a few points to consider para naman maging kaaya-aya ang iyong videoke experience.

Pick the right song. Dito nagsisimula ang lahat at ang awiting mapipili mo ang magsasabi kung magtatagumpay ka o hindi ka na maiimbita sa videoke uli. I'm not saying pakaiwasan mo si Mariah Carey o Aerosmith pero minsan kasi hindi naman tugma yung baon mong confidence sa taglay mong skills. Pakiramdaman mo rin.

Kung alam mong #walakangtalent makuntento ka na sa Jose Mari Chan or Natalie Imbruglia (specifically, Torn). Huwag kantahin ang Through The Fire unless nagjojoke ka lang. Sige i-try mo. Yung seryoso ka. Pagtapos ng kanta mo, tingnan mo sa mata ang mga kasama mo, tila nangungusap at nagsasabing #judgingyou #judgingyourightnow #yousuck

There's this one time akala ko kaya ko si Jason Mraz. Hindi pala. Buti hindi nya ako narinig. At least may lesson learned ako noong araw na yun.

Piliin mabuti ang iyong aawitin pero wag naman masyadong magtagal sa pamimili. Kaya importanteng meron kang list ng "default songs": mga awiting sigurado kang maitatawid mo nang matiwasay. A few examples ay Wherever You Will Go at Torete. Ilista mo na ito sa cellphone mo para madali mo na lang hanapin sa next videoke session.

Yung friend kong si Rose, lagi kami nagvivideoke noon. Lagi nyang kinakanta ang Sway. Umulan umaraw bumagyo lumindol, Sway. Kasi kayang-kaya nya. Minsan sumugal sya ng It's All Coming Back To Me Now. Tuwing dadapo sya sa high notes, lumuluwa ang mata nya. Hindi na nya inulit.

May favorite song ka ba? HUWAG MO ITONG KANTAHIN. Tatraydorin mo lang ang sarili mo at baka pagtapos ng iyong song number, hindi mo na ito favorite. Nangyari ito sa akin nung kinanta ko ang Bohemian Rhapsody.

Kung hindi mo naman makontrol ang sarili mong urges at pakiramdam mo kailangang-kailangan mong kumanta ng Celine Dion o Josh Groban, paghandaan mo na yung mga matataas na parte. Mamili between trying to hit that note, or your dignity. Most do not choose dignity (#judgingyou)

Pwede kang mag-cheat like ilayo mo yung mic sa bibig mo. Or isigaw mo yung mataas na tono at magpray. Pwede ring ipilit mo talaga sa falsetto. Ginusto mo yan, magdusa ka. Is it worth it?

Pakaiwasan na sumunod sa taong alam mong magaling kumanta. Huwag kang tatabi dun. Pagtapos nyang kumanta ng All By Myself at sinundan pa ng Total Eclipse Of The Heart at tinapos sa I Will Always Love You na walang kahirap-hirap at walang sabit, huwag mong isusunod yung sarili mong pa-sweet version ng  When You Say Nothing At All. Nakakahiya ka. Maha-highlight yung mga kakulangan mo at macocompare sa achievements nya. I-cancel mo yung song na nilagay mo tapos mag-CR ka muna.

Avoid long instrumental sections para hindi ka magmukhang tanga. So nakapili ka na ng kantang pasok sa iyong kakayahan. So nagkaroon ka na ng self-confidence para bumirit. So maganda ang tanggap ng audience sa pagkanta mo. And then nagkaroon ng instrumental. So nakatanga kayong lahat sa screen, naghihintay. Ang tagal... pinagpapawisan na yung kamay mo sa mic. Ang awkward. Uminom ka ng beer. Sumubo ka ng sisig. Saka naman nagstart uli kung kelan puno na yung bibig mo. Kingina.

So dapat habang namimili ka ng song, isipin mong maigi. Mahaba ba yung instrumental nito?

Isipin mo rin yung ending. Repeat till fade ba ito? Paulit-ulit yung chorus. Pagod ka na hindi pa rin tapos? Matatapos na yung 1 Hour rent nyo hindi pa rin tapos?

You know what your bestfriend is? Alcohol. More more alak, but not for you... for your friends. Habang mas nalalasing sila, mas natatanggap nila ang pagkatao mo pag nakahawak ng mic. Mapapatawad nila yung mga tonong hindi mo naabot at mga kinapos sa paghinga mo. Basta more more beer. Malalaman mong nalalasing na sila kapag yung isa sa kanila eh kumanta na ng Zombie.

One time akala ko lasing na yung mga kainuman ko kaya kumanta ako ng isang awitin ng Coldplay na pinamagatang Yellow. Hindi ko natapos yung kanta kasi pagtungtong ko doon sa mataas na part, nagsuka ako. Mas nauna pala akong nalasing. Hindi ko naman pwedeng sisihin ang Coldplay. I only have myself to blame.

Natutunan ko rin na if you can't sing, mag-rap ka. Wala namang papansin sa tono mo pag nagrarap no. Ayusin mo lang yung pronunciation mo at make sure na masasabayan mo talaga si Nicki Minaj o si Eminem and everybody will have a good time.

Habang may kumakanta, konting respeto naman guys! Huwag naman kayong magkwentuhan na mas malakas pa sa boses nung kumakanta. Yung iba nagtetext, nagbobrowse, umaalis. Syempre nasasaktan rin yung tao, pinaghandaan nya rin naman yung song number nya tapos ganun...

One time kumakanta yung officemate ko ng Regine Velasquez (Dadalhin) tapos nung bibirit na sya sabi ko "Matagal pa ba yan?" ayun hindi nya na tinuloy :(

Wag rin gawing ugali yung mang-correct ng pronunciation that's just a big no-no. Guys, nakakabastos yung pagtatawanan nyo yung kasama nyong kumanta ng Titanium eh "nakalimutan" nya na silent T pala yung "ricochet".

#RICOSHETTT

After a while kapag nagiging boring na ang videoke session nyo, you can play this game called Categories kung saan lahat kayo ay kakanta ng isang song sa napagkasunduan nyong category like for example "90s Boy Bands" or "Divas" or "Mga Patay na Divas" or "One Hit Wonders" or "Mga Patay Na One Hit Wonders" and it goes on and on and on kthnxbye Kids mwahchupa.
Related Posts Plugin for WordPress, Blogger...

padding

Padding